विश्व आदिवासी तथा जनजाति दिवसमा सार्वजनिक विदा

विराटनगर / कोशी प्रदेश सरकारले आज (बुधबार) सार्वजनिक विदा दिएको छ । विश्व आदिवासी तथा जनजाति दिवसको अवसरमा कोशी प्रदेश सरकारले प्रदेशभर सार्वजनिक विदा दिएको हो ।
संसारभरि अगस्ट ९ लाई अन्तर्राष्ट्रिय आदिवासी जनजाति दिवसको रूपमा मनाउँदै आएकोमा ‘पहिचानको आन्दोलन’ भइरहेको सो प्रदेशमा पहिलोपटक सार्वजनिक विदा दिइएको हो ।
प्रदेश नामकरणको विषयलाई लिएर लामो समयदेखि आन्दोलनरत सो क्षेत्रको भावनाको कदर गर्दै पहिलो पटक आदिवासी तथा जनजाति दिवसको विदा दिइएको जनाइएको छ ।
आन्तरिक मामिला तथा कानुन मन्त्रालयले सूचना प्रकाशित गर्दै संघीय सरकार मातहतका निकायमा पनि विदा लागू हुने जानकारी गराएको छ ।