चितवन । भरतपुर महानगरपालिका वडा नम्बर ८ पांँडे घुम्तीमा कारको ठक्करबाट पैदल यात्री गम्भीर घाइते भएका छन् । सोही स्थान बस्ने बर्ष ३८ का अभिषेक पोखरेल कारको ठक्करबाट गम्भीर घाइते भएको जिल्ला प्रहरी कार्यालय चितवनले जनाएको छ ।
प्रहरीका अनुसार बुधबार राति १० बजेर ३५ मिनेटमा भरतपुर म.न.पा.९ शरदपुरस्थित भित्री सडक खण्डमा ना२च २६६५ नम्बरको प्राइभेट कारले पोखरेललाई ठक्कर दिएको हो ।
घाईते पोखरेलाई चितवन मेडिकल कलेज भरतपुरमा उपचार भइरहको छ । उनको टाउको र खुट्टामा चोट लागेको छ । कार चालक भरतपुर म.न.पा. ६ देवनगर बस्ने बर्ष २८ को सुवास वि.क.लाई प्रहरीले नियन्त्रणमा लिएको छ ।
