काठमाडौं / नेपाल कम्युनिष्ट पार्टी (एकीकृत समाजवादी) को दसौँ महाधिवेशन आज (मंगलबार) पनि जारी रहने छ ।
आइतवारबाट सुरु भएको महाधिवेशनमा सोमवार प्रस्तुत भएका विभिन्न प्रतिवेदनमाथि आज पनि छलफल जारी रहने छ।
- ADVERTISEMENT -
पार्टी अध्यक्ष माधवकुमार नेपालले प्रस्तुत गरेका राजनीतिक दस्तावेजमा सोमवारबाट छलफल सुरु भएको हो ।
पार्टीको कार्यक्रम, विधान र साङ्गठनिक दस्तावेजमा समूह बनाएर छलफल सम्पन्न भएपछि प्रतिनिधिको सुझावसहित अनुमोदन गरिने नेता सोमप्रसाद पाण्डेले बताए ।
महाधिवेशन सञ्चालनमा सहजीकरण तथा विधान र प्रतिवेदनमाथि छलफलबाट सुझाव लिइ एकीकृत दस्तावेज बनाएर पारित गराउने जिम्मेवारीसहित सम्मानित नेता झलनाथ खनालको नेतृत्वमा अध्यक्ष मण्डल गठन गरिएको छ। उनले निर्णय र बहस टिपोटका लागि कमिटीसमेत गठन गरिएको छ ।
२० गतेसम्म चल्ने महाधिवेशनले दुई सय ९९ सदस्यीय कार्यसमिति निर्वाचित गर्नेछ । (नागरिक दैनिकबाट)
