मकवानपुर / बागमती प्रदेश, सामाजिक विकासमन्त्री कुमारी मोक्तानले आफ्नो कार्यकालमा भएको महत्वपूर्ण उपलब्धिहरु समेटिएको पुस्तक सार्वजनिक गरेकी छन् ।
मन्त्री मोक्तानले सोमबार मन्त्रालयमा आयोजित पत्रकार सम्मेलनमार्फत् आफ्नो कार्यकालमा भएको मुख्य–मुख्य कार्य विवरण समेटिएको पुस्तक सार्वजनिक गरेकी हुन् ।
- ADVERTISEMENT -
सार्वजनिक गरिएको उक्त पुस्तिकामा मन्त्रालयको कार्य क्षेत्र भित्र पर्ने शिक्षा, गरिबी निवारण, महिला तथा बालबालिका, ज्येष्ठ नागरिक, अपांगता भएका व्यक्ति, सामाजिक सुरक्षा, सीपमूलक तालिमको विषयमा भएको कार्य समेटिएको छ । सो क्रममा उनले आफ्नो कार्यकालमा शिक्षा क्षेत्र सुधारमा उल्लेखनीय प्रगति भएको दाबी गरिन् ।
यसैगरी, प्रदेशका ३५ वटा स्थानीय तहसँगको साझेदारीमा गृहिणी महिला सशक्तिकरण कार्यक्रम सञ्चालन भइरहेको पनि उनले बताइन् ।
चेपाङ समुदायको उत्थानका लागि प्रदेशका ६ वटा स्थानीय तहमा चेपाङ, चमेरो र च्यूरी संरक्षण कार्यक्रम सुरु भएको उनको भनाई छ ।
उनी दोश्रो कार्यकालमा २०७९ माघ ११ गतेदेखि २०८१ साउन ६ गतेसम्म मन्त्री बनेकी बनिन् । उनी नेकपा माओवादीको तर्फबाट सरकारमा सहभागी भएकी थिइन् ।
