काठमाडौं / प्रधानमन्त्री केपी शर्मा ओलीले आह्वान गरेको आकस्मिक मन्त्रिपरिषद् बैठक सम्पन्न भएको छ ।
बुधबार दिउँसो नुवाकोटमा एयर डाइनेष्टीको हेलिकोप्टर दुर्घटना भएपछि प्रधानमन्त्रीले आह्वान गरेको मन्त्रिपरिषद् सम्पन्न भएको हो ।
- ADVERTISEMENT -
उक्त बैठकले हेलिकोप्टर दुर्घटनाको छानबिन तथा जाँच गर्न आयोग गठन गरेको छ । बैठकले नेपाली सेनाका वरिष्ठ पाइलट सुवास थापाको नेतृत्वमा तीन सदस्यीय जाँचबुझ आयोग गठन गरेको हो ।
यस्तै, उक्त छानबिन आयोगको सदस्यमा विष्णु बस्नेत र तनुजा पोखरेल रहेका छन् । आयोगलाई काम सुरु गरेको मितिले ३० दिन हुने जनाइएको छ ।
बुधबार दिउँसो नुवाकोटको शिवपुरी गाउँपालिका–७, सूर्यचौर क्षेत्रमा एयर डाइनेष्टीको हेलिकोप्टर दुर्घटना भएको थियो । उक्त दुर्घटनामा परेर चार जना चिनियाँ नागरिक र एक नेपाली नागरिक गरी पाँच जनाको मृत्यु भएको छ ।
मृत्यु हुनेहरुमा क्रमशः चिनियाँ नागरिक जुतड ताङ, जेइली, सीयाद वी, जीक्वीङ सी, क्याप्टेन के मल्ल र एक नेपाली अरुण मल्ल रहेका छन् । तीमध्ये अरुण मल्ल हेडिकप्टर पाइलट हुन् ।
