– बबिलाल तामाङ
चितवन । गरिब तथा विपन्नका सारथी एवम् समाजसेवी रेखा तामाङको वृद्धमैत्री घर निर्माण अभियान र सहजीकरणबाट एक वृद्ध प्रजा दम्पत्तिले नयाँ घर तथा कोष निर्माणका लागि आर्थिक सहयोग पाप्त गर्ने भएका छन् ।
- ADVERTISEMENT -
राक्सिराङ गाउँपालिका वडा नं. ५, साचक मकवानपुरका वर्ष सयका जयराम प्रजा र उनकी श्रीमती वर्ष ९० का लक्ष्मी प्रजालाई समाजसेवी रेखाले आज (शनिबार) उनीहरुलाई घर हस्तान्तरण गर्न लागेको जानकारी दिइन् ।
पूर्व भौतिक तथा शहरी विकास मन्त्री रामकुमारी झाँक्री, समाजसेवी रेखा तामाङ लगायतले संयुक्त रुपमा वृद्ध दम्पत्ति प्रजालाई उक्त वृद्धमैत्री घर हस्तान्तरण गर्न लागेको हो ।
उनका अनुसार उक्त घर निर्माणका लागि अमेरिका जर्जियामा बसोबास गर्दै आएका दम्पती कर्ण गुरुङ, प्रेमा गुरुङको परिवारको सहयोग र विभिन्न सामाजिक सञ्चाल मार्फत रकम संकलन गरिएको हो ।
गुरुङ परिवारले यसअघि पनि सोही स्थान राक्सीराङ गाउँपालिका वडा नं. ५ स्थित लोकप्रिय प्राथमिक विद्यालय जुर्लिङमा अध्ययनरत विद्यार्थीहरुका लागि विद्यालय पोशाक र सरसफाइका सामग्री सहयोग गरेको थियो ।
इच्छा शक्ति भए जे काम पनि सम्भव छ भन्ने उदाहरण बनेकी समाजसेवी रेखाले आगामी दिनमा पनि यो अभियान जारी नै रहने बताइन् ।
रेखाले यस अभियानमा सहयोग गर्न इच्छुक सहयोगी दाताहरुलाई ९८४९८५०४९९ या Whatsapp मा सम्पर्क गर्न आग्रह गरेकी छन् ।
उनले यसअघि पनि विभिन्न जिल्ला तथा स्थानहरुमा लत्ता कपडा, खाद्यन्न, स्टेशनरीलगायतको सहयोगका लागि सहजीकरण गरेकी हुन् ।
