काठमाडौ / देशका धेरै ठाउँमा अहिले वर्षा र उच्च पहाडी क्षेत्रमा हिमपात पनि भइरहेको छ । पश्चिमी न्यून चापीय प्रणाली र पश्चिमी वायुको प्रभावले सुदूरपश्चिम, कर्णाली, लुम्बिनी, गण्डकी, कोशी र बागमती प्रदेशमा हल्कादेखि मध्यम वर्षा भइरहेको जल तथा मौसम पूर्वानुमान महाशाखाले जनाएको छ ।
सुदूरपश्चिम र कर्णाली प्रदेशमा मेघगर्जन र चट्याङसहित वर्षा भइरहेको छ । पछिल्लो २४ घण्टामा सबैभन्दा धेरै वर्षा कालीकोटको विजयपुरमा ७४।४ मिलिमिटर र नाग्ममा ७२ मिलिमिटर मापन गरिएको छ । अन्य स्थानहरूमा बाजुरामा २९।६, जुम्लामा ४७।७, तथा डडेल्धुरामा ४७।४ मिलिमिटर वर्षा भएको छ ।
- ADVERTISEMENT -
काठमाडौ उपत्यकासहित मुगु, हुम्ला, बैतडी, डोटी, डोल्पा, म्याग्दी, पाल्पा, नुवाकोट, सिन्धुपाल्चोक, काभ्रेलगायतका जिल्लामा पनि वर्षा भएको छ । तराई मधेशमा भने बिहान केही समय हुस्सु लाग्ने र दिउँसो हट्ने अनुमान गरिएको छ ।
आज सुदूरपश्चिम, कर्णाली, लुम्बिनी, र गण्डकी प्रदेशमा अधिक बदली रहनेछ भने अन्य भागहरूमा आंशिकदेखि सामान्य बदलीको अवस्था रहनेछ ।
मौसमविद्हरूका अनुसार आजदेखि प्रि(मनसुनको सुरुवात भइसकेको छ । साथै, पश्चिमी प्रणालीको प्रभाव कायमै रहेकाले वर्षा र हिमपातको सम्भावना रहन्छ । यद्यपि, आज बेलुका आंशिक रूपमा मौसम खुल्नेछ भने भोलिदेखि पूर्ण रूपमा सफा हुने जलवायु विज्ञ डा। धर्मराज उप्रेतीले जानकारी दिएका छन् ।
