चितवन / भरतपुर महानगरपालिका वडा नं. २ क्षेत्रपुरमा स्थित सिद्धि विनायक बचत तथा ऋण सहकारी संस्था लि. (साकोस) ले नयाँ वर्ष २०८२ को शुभकामना आदानप्रदान एवम् बालबालिका तथा अभिभावक उत्प्रेरणा कार्यक्रम सम्पन्न गरेको छ ।
शेयर सदस्य, बाल बचत सदस्य तथा निजका अभिभावकहरुलाई संस्थागत जानकारी दिने र वर्तमान अवस्थामा सफल जीवन व्यवस्थापनका लागि प्रेरणा दिने उद्देश्यले शनिबार सो कार्यक्रम गरिएको संस्थाका अध्यक्ष थिरप्रसाद धितालले जानकारी दिए ।
- ADVERTISEMENT -
कार्यक्रममा नेपाल बचत तथा ऋण केन्द्रीय सहकारी संघ लि. (नेफ्स्कुन) काठमाडौंका उपाध्यक्ष शान्ति अधिकारीको प्रमुख आतिथ्यता रहेको थियो । कार्यक्रममा लक्ष्मण भण्डारीले प्रशिक्षण दिएका थिए ।
कार्यक्रमको संयोजन सीता सापकोटाले गरेकी हुन् भने यसअघि बालबालिका तथा अभिभावक उत्प्रेरणा कार्यक्रम दुई वर्ष अघि गरिएको थियो । विशेषगरी बाल बचत सदस्य लक्षित रहेको यस कार्यक्रमले सम्पूर्ण शेयर सदस्य नै लाभान्वित हुने विश्वास गरिएको छ ।
- ADVERTISEMENT -
उद्योग वाणिज्य संघ नारायणगढको सभाहल गरिएको कार्यक्रममा बाल बचत सदस्य, शेयर सदस्य र अभिभावक गरी करिब १ सय सत्तरी जनाको उपस्थिति रहेको थियो ।
कार्यक्रममा उद्योग वाणिज्य संघका वरिष्ठ उपाध्यक्ष चिरन्जिवी सुवेदी, सिद्धिविनायक साकोसका उपाध्यक्ष मुकुन्दप्रसाद गौतम, सहसचिव संगीता गौतम, लेखासुपरीवेक्षण समिति संयोजक विनोद पौडेल, व्यवस्थापक विकास पौडेल, सहसचिव संगीता गौतमलगायतको उपस्थिति रहेको थियो ।
कार्यक्रम संस्थाका अध्यक्ष थिरप्रसाद धितालको सभापतित्वमा सम्पन्न भएको थियो ।
