चितवन / राप्ती नगरपालिका वडा नं. ७, वीरेन्द्रनगरमा स्थित साङ्ग छेवाङ् टासी बौद्ध गुम्बाको प्रथम ऐतिहासिक भेला सम्पन्न भएको छ । शुक्रबार भएको ऐतिहासिक भेला गुम्बा परिसरमै सम्पन्न गरिएको हो ।
भूमि सुधार आयोग चितवनका अध्यक्ष तथा कार्यक्रमका प्रमुख अतिथि इमानसिंह मोक्तानले दियो प्रज्वलन गरेर कार्यक्रमको उद्घाटन गरे ।
- ADVERTISEMENT -
कार्यक्रमको उद्घाटनपछि बोल्दै प्रमुख अतिथि लामाले गुम्बा संरक्षण र सम्वद्धनमा सबैले जोड दिनु पर्ने बताए । उनले गुम्बालाई विगतमा पनि सहयोग गरेको बताउँदै आगामी दिनमा पूर्ण सहयोग गर्ने प्रतिबद्धता व्यक्त गरे ।
कार्यक्रममा गुम्बाका पूर्वअध्यक्ष अक्कलबहादुर थिङ, धर्मगुरु पेमा लामा, स्थानीय बुद्धिजीवी टंक पाठक, समाजसेवी निलिमा बोम्जन, राप्ती नगरपालिका वडा नं. ७ का वडासदस्य ओमबहादुर पुन लगायतले मन्तव्य दिएका थिए ।
कार्यक्रममा गत आर्थिक २०८२/२०८३ को आर्थिक प्रतिवेदन र प्रगति प्रतिवेदन प्रस्तुत गरिएको थियो । आर्थिक प्रतिवेदनका लागि कोषाध्यक्ष धर्मबहादुर बालपालाई डिलबहादुर थिङले सहजीकरण गरे ।
गुम्बाका महासचिव देवबहादुर मोक्तानले स्वागत मन्तव्य राखेका थिए भने कार्यक्रम सञ्चालन श्रीमान् नेगीले गरेका हुन् ।
कार्यक्रम गुम्बाका अध्यक्ष राजेश रूम्बा लामाको अध्यक्षतामा सम्पन्न भएको थियो । अध्यक्ष लामाले गुम्बाको विगतदेखि वर्तमानसम्मका गतिविधिबारे प्रकाश पारेका थिए ।
