घुर्केश । तमू प्ये ल्हु संघ चितवनले इच्छाकामनाको वडा नं-२ मा पनि इकाइ समिति गठन गरेको छ ।
शनिबार संघको जिल्ला समितिको टोलीले घुर्केश पुगेर इकाइ समिति गठन गरेको हो । जिल्ला अध्यक्ष विक्रम च्हम्रु तमूका अनुसार कुमार गुरूङको नेतृत्वमा ११ सदस्यीय तदर्थ समिति गठन गरिएको हो ।
- ADVERTISEMENT -
समितिको उपाध्यक्षमा माया गुरूङ, सचिवमा विशाल गुरूङ र कोषाध्यक्षमा सानुमाया गुरूङ चयन भएका छन् ।
समितिको सदस्यहरुमा लक्ष्मण गुरूङ, विशु गुरूङ, संगीत गुरूङ, सानुमाया गुरूङ, हिमाल गुरूङ, यमकुमारी गुरूङ र वसन्त गुरूङ चयन भएका छन् ।
नेपाल आदिवासी जनजाति महासंघ (नेफिन) चितवनका अध्यक्ष सागर कुमालको उपस्थितिमा गठित समितिलाई शनिबार नै पद तथा गोपनीयताको सपथग्रहण गराएर जिम्मेवारी सुम्पिएको छ ।
चितवन जिल्लाको दूरदराजमा रहेका गुरूङ समुदायलाई आफ्नो जातिको संस्कार, संस्कृतिको संरक्षण र संवर्द्धनमा योगदान दिने उद्देश्यका साथ इकाइ समिति गठन गरेको प्ये ल्हु संघ चितवनले जनाएको छ ।
