कुसुमटारका विद्यार्थीहरुलाई पोशाक वितरण

भरतपुर / लियो क्लब अफ भरतपुरले भरतपुर –२९ कुसुमटारमा रहेको श्री राष्ट्रिय आधारभुत विद्यालयमा अध्ययनरत विद्यार्थीहरुलाई पोशाक वितरण गरेको छ । क्लबका अध्यक्ष लियो सुदिप शिग्देलको अध्यक्षतामा सहयोग कार्यक्रम भएको थियो ।
कार्यक्रममा भरतपुर महानगरपालिका वडा नं. २९ का वडा सदस्य तथा सामुदायिक वनका अध्यक्ष बलराम तामाङ्गको प्रमुख आतिथ्यता रहेको थियो । उहाँले क्लब प्रति आभार प्रकट गर्नुभयो । लियो क्लब अफ भरतपुरले विगत देखि सहयोग कार्यक्रम गर्दै आएको छ ।
यस्ता कार्यक्रमले समाजमा राम्रो प्रभाव पर्ने र विद्यार्थीलाई प्रोत्सान मिल्ने क्लबको विश्वास छ । कार्यक्रममा विद्यालय व्यवस्थापन समितिका अध्यक्ष सुरेश लामा, प्रधानध्यापक दिपकराज सापकोटा लगायतको उपस्थिति रहेको थियो ।