माडी, चितवन \ माडी नगरपालिकाका थप ८ जनामा कोरोना भाइरस पुष्टि भएको छ । भरतपुर अस्पताल कोभिड १९ प्रयोगशाला गरिएको परीक्षणमा माडीका थप ८ जनामा कोरोना भाइरसको संक्रमण देखिएको भरतपुर अस्पतालका सूचना अधिकारी लिलाधर पौडेलले जानकारी दिए ।
माडीका ८५ जनाको नमुना परीक्षण गरिएकोमा ८ जनामा पोजेटिभ भेटिएको हो । भरतपुर अस्पतालमा शुक्रबार १ सय ९७ वटा स्वाब परीक्षण गरिएको थियो ।
जसमध्ये बीपी कोइरालामा क्यान्सर अस्पतालको ३, खैरहनी नगरपालिकाको ११, पुरानो मेडिकल कलेजको ८, चितवन मेडिकल कलेजको ५, देवघाट गाउँपालिकाको १५, राप्ती नगरपालिकाको १५ र भरतपुर अस्पतालको २९ स्वाब परीक्षण गर्दा संक्रमण भेटिएको छैन । भरतपुरको कोरोना अस्पतालबाट हालसम्म ८ जना निको भएर घर फर्किसकेका छन् ।
- ADVERTISEMENT -
