मकवानपुरमा थपिए ६५ जना कोरोना संक्रमित

मकवानपुर / मकवानपुरमा पछिल्लो २४ घण्टामा थप ६५ जनामा कोरोनाको संक्रमण पुष्टि भएको छ ।
मकवानपुर स्थायी घर भएका ६३ जनासहित रौतहटको १ र बाराको १ जनामा संक्रमण पुष्टि भएको हेटौँडा उपमहानगरपालिकाका जनस्वास्थ्य अधिकृत भोला चौँलागाईले जानकारी दिएका छन् ।
कूल ११० जनाको कारोना परीक्षण गर्दा ६५ जनामा कोरोना पोजेटिभ देखिएको हो ।
संक्रमण पुष्टि हुनेमा सबैभन्दा धेरै हेटौँडा उपमहानगरपालिकाका ५७ जना रहेका छन् भने थाहा नगरपालिकाका १, भीमफेदी गाउँपालिका १ र मकवानपुरगढी गाउँपालिकाका ४ जना रहेका छन् ।
संक्रमण पुष्टि हुनेहरुमा हेटौँडा उपमहानगरपालिका वडा नम्वर ५ का १८ जना, वडा नम्वर १ र ९ का ६÷६ जना, वडा नम्वर २ का ४ जना, वडा नम्वर ४ का ५ जना, वडा नम्वर ६,१४ र १५ का १र१ जना, वडा नम्वर ८,११ का २र२ जना, वडा नम्वर १०,१८ को ३र३ जना र वडा नम्वर १७ को ५ जना रहेका छन् ।
त्यस्तै मकवानपुरगढी गाउँपालिका वडा नम्वर २ र ५ का गरी ४ जना रहेका छन् ।
संक्रमण पुष्टिहुनेमा २४ जना महिला र ४१ जना पुरुष रहेका छन् ।