चितवनमा पहिलोपटक सीएको परीक्षा केन्द्र स्थापना

चितवन / चितवनको नारायणी पब्लिक कलेजमा चार्टर एकाउन्टेन्ट (सीए) सेन्टर स्थापना गरिएको छ । भरतपुर महानगरपालिका ११ स्थित नारायणी पब्लिक कलेजमा सीए परिक्षाको सेन्टर तोकिएको हो । कलेजमा सीए परिक्षाको सेन्टर तोकिएको जिल्लामै पहिलो पटक भएको बताइएको छ ।
सीए सेन्टर स्थापना भएसँगै चितवनमा सीए अध्ययन गर्न चाहने विद्यार्थीको संख्या बढ्ने नेपाल चार्टर एकाउन्टेन्टका परीक्षा संयोजक सनोज भट्टाराईले बताए । उनले सीए बन्न इच्छुक विद्यार्थीहरुले घरमा नै बसेर सजिलै परीक्षा दिन पाउने जानकारी गराए । यससँगै +२ पछि सीए विद्यार्थीहरुलाई काठमाडौं नै जानु पर्ने बाध्यता अन्त्य भएको छ ।
परिक्षा केन्द्र तोकिएसँगै आइतबारबाट नै परिक्षा सुरु भएको छ । क्याप वानमा ५२ तथा टुमा ३१ जना विद्यार्थी सहभागी हुँदैछन् भने परिक्षा भाद्र २ गतेसम्म संचालन हुँदैछ ।