तनहुँको विभिन्न ठाउँमा पहिरो, दुईको मृत्यु, पाँच बेपत्ता

0
38

तनहुँ / तनहुँ जिल्लाको विभिन्न ठाउँमा पहिरो दुईको मृत्यु जनाको मृत्यृ भएको छ भने जना बेपत्ता भएका छन्। अविरल वर्षासँगै आएको पहिरोमा पुरिएर म्याग्दे गाउँपालिका र व्यास नगरपालिकामा दुई जनाको मृत्यु भएको छ । त्यस्तै ऋषिङ गाउँपालिकामा पहिरोमा पुरिएर पाँच जना बेपत्ता भएको जिल्ला प्रहरी कार्यालय तनहुँले जनाएको छ ।
म्याग्दे गाउँपालिका–६ बेलौतेडाँडामा घरमाथिबाट आएको पहिरोले घर भत्किँदा १७ वर्षीय लक्ष्मी विकको मृत्यु भएको हो । घरको भित्ताले पुरिएर घाइते विकको दमौलीस्थित रत्नहरि अस्पतालमा उपचारका क्रममा मृत्यु भएको जिल्ला प्रहरी कार्यालय तनहुँका प्रहरी नायब उपरीक्षक युवराज तिमिल्सिनाले जानकारी दिनुभयो । यसैगरी व्यास नगरपालिका–७ कलेस्तीमा पहिरोले पुरिएर एक जनाको मृत्यु भएको छ। उनको सनाखत हुन बाँकी रहेको प्रहरीले जनाएको छ ।
त्यस्तै ऋषिङ गाउँपालिका–८ पल्ट्याङमा घर पुरिँदा पाँच जना बेपत्ता भएको प्रहरीले जनाएको छ । बेपत्ता हुनेमा ३० वर्षीय भेषबहादुर थापा, २९ वर्षीय नानुमाया थापा, पाँच वर्षीया अमिषा थापा, २२ वर्षीय महादेव थापा र १९ वर्षीया मनिसरा थापा रहेको प्रहरीले जनाएको छ । उनिहरु एकै परिवारका हन्। सोही ठाउँकी ६० वर्षीय ज्योतिमाया थापालाई उपचारका लागि भीमाद लगिएको छ ।