चितवनमा बसको ठक्करबाट बालकको मृत्यु

चितवन / चितवनमा बसको ठक्करबाट आठ वर्षीय बालकको मृत्यु भएको छ । जिल्लाको भरतपुर महानगरपालिका ७ विकासचोकमा आइतबार दिउँसो साढे तीन बजे चौबिसकोठीबाट पटिहानी तर्फ जांदै गरेको बा १ प १२८४ नम्बरको टुरिस्ट बसले ठक्कर दिँदा ८ वर्षीय बालकको मृत्यु भएको जिल्ला प्रहरी कार्यालय चितवनले जनाएको छ ।
उपचारका लागि भरतपुर अस्पताल पुर्याइएका बालकलाई अस्पतालले मृत घोषणा गरेको हो । बालकको मामाघरकी हजुरआमा ४६ की सुर्य कुमारी लामिछाने पनि दुर्घटना देखेर अचेत अवस्थामा रहेको प्रहरीले जनाएको छ । बस र चालकलाई प्रहरीले नियन्त्रणमा लिइसकेको जनाएको छ ।