‘स्वास्थ्य क्षेत्र सबैको सर्वसुलभ पहुँचमा हुन्छ’ – मन्त्री लामा

0
12

मकवानपुर / बागमती प्रदेशका स्वास्थ्य मन्त्री निमा लामाले बागमती प्रदेशमा स्वास्थ्य क्षेत्र सबैको सर्वसुलभ पहुँचमा हुने अवस्था बनाउन काम गर्ने प्रतिबद्वता जनाएका छन् । मेलम्ची–७ स्थित नेपाली कांग्रेसको पार्टी कार्यालय उद्वाटन, स्वागत एवं बधाई ज्ञापन कार्यक्रममा उनले जनताले विश्वास गरेर सांसद बनाएको र अहिले स्वास्थ्य मन्त्रीको जिम्मेवारी पाएकोले जनतालाई सर्वसुलभ रूपमा स्वास्थ्यमा पहुँच हुने ढंगले सुधारका काम थालेको बताए ।
आफ्नो पहिलो प्राथमिकता जनतालाई गुणस्तरीय स्वास्थ्य सेवा रहेको बताउँदै उनले १३ वटै जिल्लाका स्वास्थ्य संस्थाको सुधार गर्दै सहज सेवाको अवस्था बनाउने बताए । उनले पूर्वाधार, स्वास्थ्य जनशक्ति र औषधीको व्यवस्थापनमा आफु ठोस योजनाका साथ अघि बढ्ने बताए । उनले विपद प्रभावित क्षेत्रमा विकासको कामलाई अघि बढाउन प्रदेश सरकार प्रतिबद्ध रहेको बताए ।