रोनाल्डोको शानदार प्रदर्शन, म्यानचेस्टरको सहज जीत

एजेन्सी / इंग्लिस प्रिमियर लिगअन्तर्गत बर्नलीविरुद्धको खेलमा म्यानचेस्टर युनाइटेडले ३–१ को सहज जित निकालेको छ ।
गएराति घरेलु मैदानमा भएको खेलमा युनाइटेडको जितमा क्रिस्टियानो रोनाल्डो र स्कट म्याक टोमिनेले एक/एक गोल गरे । एक गोल भने युनाइटेडले आत्मघाती उपहार पाएको थियो ।
बर्नलेका लागि आरोन लेननले एक गोल फर्काए । म्यानचेस्टरको जितमा रोनाल्डोको एक गोलका साथै एक असिस्ट पनि दिएका थिए । खेलमा चारै गोल पहिलो हाफमा भएका थिए ।
यो जितसँगै युनाइटेड १८ खेलबाट ३१ अंक जोडेर छैटौं स्थानमा उक्लिएको छ । बर्नली भने ११ अंकका साथ १८ औं स्थानमा छ ।