काठमाडौं / फिफा विश्वकप २०२६ मा आइभरी कोस्टलाई २–१ गोलले हराउँदै जर्मनी नकआउट चरणमा प्रवेश गरेको छ । आइतबार बिहान सम्पन्न भएको खेलमा जर्मनीले आइभरी कोस्टलाई हराउँदै राउन्ड अफ ३२ मा स्थान बनाएको हो ।
एक गोलले पछि परेको जर्मनीले पुनरागमन गर्दै जित निकाल्यो । जर्मनीको जितमा डेनिज उन्डभ नायक बने । दुवै गोल उनले नै गरे।
- ADVERTISEMENT -
खेलको ३० औं मिनेटमा आइभरी कोस्टका कप्तान फ्रान्क केसीले गोल गर्दै टोलीलाई सुरुआती अग्रता दिलाए ।
६८ औं मिनेटमा वैकल्पिक खेलाडी उन्डभले गोल गर्दै जर्मनीलाई १–१ को बराबरीमा ल्याए । त्यसपछि खेल सकिनै लाग्दा इन्जुरी समयमा उन्डभले व्यक्तिगत तथा टोलीका लागि दोस्रो गोल गर्दै जर्मनीलाई २–१ को जितसहित नकआउट चरणमा पुर्याए ।
- ADVERTISEMENT -
समूह ई मा अंकतालिकामा लगातार दोस्रो जित निकालेको जर्मनी ६ अंकका साथ शीर्षस्थानमा रहँदा आइभरी कोस्ट ३ अंकसहित दोस्रो स्थानमा छ ।
यस्तै, इक्वेडर र कुरासाओ अंकविहिन छन् ।
