चितवनमा धारिलो हतियार प्रहार गरी आफ्नै आमाको हत्या

चितवन / माडी नगरपालिका वडा नं. ६ स्याउलीबासमा धारिलो हतियार प्रहारबाट एक महिलाको ज्यान गएको छ । सोही स्थान निवासी वर्ष ३७ का अर्जुन तामाङले धारिलो हतियारप्रहार गरी आफ्नै आमा ५५ बर्षकी मायादेवी तामाङको आज (सोमबार) हत्या गरेको जिल्ला प्रहरी कार्यालय चितवनले जनाएको छ ।
प्रहरीका अनुसार घर नजिकैको मकैबारीमा मायादेवीको घाँटी करीब छिनेको र घटनास्थलमै ज्यान गएको स्थानीयले बताएका छन् । मायादेवीलाई मकैबारीमा लगेर छोरा भनिने अर्जुनले हत्या गरेको प्रहरीले जानकारी दिए ।
आमाको हत्या गर्ने अर्जुनलाई नियन्त्रण लिएर थप अनुसन्धान भइरहेको प्रहरीले बताए ।