रत्ननगरको जुस प्लान्टमा आगलागी, क्षतिको विवरण आउन बाँकी

चितवन / रत्ननगर १० कैलाशटोलमा रहेको युनाइटेड बेभरेज प्रा लि को पल्पी जुस प्लान्टमा करेन्ट सर्ट भई आगलागी भएको छ । आज बिहान (शुक्रबार) करिब चार बजेको समयमा उक्त बेभरेज प्रा.लि.को जुस प्लान्टमा आगलागी भएको जिल्ला प्रहरी कार्यालय चितवनले जनाएको छ ।
चितवनका प्रहरी प्रवक्ता विजयराज पण्डितका अनुसार खैरहनी नगरपालिकाको २ वटा र भरतपुर महानगरपालिकाको १ वटा दमकलको सहयोगमा आगो निभाउने कार्य भइरहेको छ । आगलागी नियन्त्रणका अझै केही समय लाग्ने उनले बताए । उक्त आगलागीमा कुनै मानवीय क्षति नभएको जानकारी दिए ।
उक्त स्थानमा इलाका प्रहरी कार्यालय टाँडीको प्रहरी टोली र स्थानीयको सहयोगले आगो नियन्त्रणमा लिने कार्य भइरहेको छ । क्षतिको यकिन विवरण भने समय लाग्ने बताइएको छ । यसअघि नारायणगढको कमलनगरचोकमा रहेको सपिङ मलमा विद्युत सर्ट भई आगलानी भएको थियो भने उक्त आगलागीमा करोडौं क्षति भएको थियो ।