भाइटीकाको शुभ साइत बिहान ११ः३७ बजे

काठमाडौं / आज कार्तिकशुक्लपक्ष द्वितीया, तिहारको पाँचौ दिन अर्थात् भाइटीका हो । दिदीबहिनीहरुले दाजुभाइको आयु, आरोग्य र सुस्वास्थ्यको कामना गर्दै सप्तरंगी टीका लगाइदिने पर्व तिहार नेपालीको दोस्रो ठूलो पर्व हो । साइत नै खोज्नेहरुका लागि आज (बिहीबार) भाइटीका बिहान ११ः३७ मिनेटमा जुरेको छ ।
टीका लगाइदिने ब्यक्ति पूर्व र लगाउने व्यक्ति पश्चिम फर्केर टीका लगाउन सकिन्छ । दिदीबहिनीले दाजुभाइलाई टीका लगाएपछि दाजुभाइले पनि दिदीबहिनीलाई लगाउने गरिन्छ । दिदीबहिनीलाई पूजा गर्नाले अखण्ड सौभाग्य र ऐश्वर्य प्राप्त हुने शास्त्रीय मान्यता रहिआएको छ ।