चितवनका किसानहरुले सडकमै तरकारी फालेर प्रदर्शन

चितवन / चितवनका किसानहरुले सडकमा तरकारी फालेर प्रदर्शन गरेका छन् । किसानहरुले भारतबाट आयतित तरकारीका कारण तरकारी बिक्नै छाडेकोमा सडकमा तरकारी फालेर प्रदर्शन गरेका हुन् । बिक्री भई हाले पनि उचित मूल्य नपाएको उनीहरुको गुनासो छ ।
विभिन्न स्थानका किसानहरु भरतपुरमा आएर पूर्वपश्चिम राजमार्गमा तरकारी फालेर प्रदर्शन गरेका थिए । भारतबाट आयातित तरकारीले भरतपुरका मण्डीमा कब्जा जमाएको उनीहरुको गुनासो छ । उनीहरुका अनुसार उत्पादित तरकारीले मूल्य नपाएको गुनासो छ । संघर्ष समिति नै बनाएर बारीबाट तरकारी बोकेर उनीहरु आएका थिए ।
संघर्ष समितिका संयोजक लेखराम भुषालले भारतबाट भइरहेको तरकारीको आयतलाई रोक्नुपर्ने माग राखेका थिए । जिल्लालाई पुग्ने तरकारी यही नै उत्पादन भइरहेको भन्दै उनले बाहिरबाट ल्याउन आवश्यक नरहेको जिकिर गरे । उनले भारतबाट ल्याउने तरकारीमा कर लगाउने व्यवस्था गर्नुपर्ने माग राखेका थिए ।