रास्वपाका स्वर्णिम वाग्लेको सुरुदेखि नै अग्रता, कांग्रेसका भट्टराई पछ्याउँदै

तनहुँ / तनहुँ–१ को मतगणनामा राष्ट्रिय स्वतन्त्र पार्टी (रास्वपा) ले अग्रता लिएको छ । प्रतिनिधि सभा सदस्य पदको उपनिर्वाचन अन्तर्गत राष्ट्रिय स्वतन्त्र पार्टी (रास्वपा)का उम्मेदवार डा. स्वर्णिम वाग्लेले अग्रता लिएका हुन् ।
आज (सोमबार) बिहान ६ बजेसम्म ९ हजार २४६ मत गणना हुँदा रास्वपाका वाग्लेले ५०१९ मत पाएका छन् । यसैगरी नेपाली कांग्रेसका उम्मेदवार गोविन्द भट्टराईले २२५१ र नेकपा एमालेका उम्मेदवार सर्वेन्द्र खनालले १५४९ मत पाएका छन् ।
तनहुँ क्षेत्र नं. १ को मतगणना आइतबार मध्यरातिदेखि सुरु भएको हो भने सुरुदेखि नै वाग्लेले अग्रता लिइरहेका छन् । आइतबार नै सम्पन्न भएका उपनिर्वाचनमा चितवन क्षेत्र नम्बर २ र बारा क्षेत्र नम्बर २ को भने मतगणना सुरु भएको छैन ।