तीन खोले गुम्बामा बुद्ध जयन्ती मनाइयो, लोपोन्मुख ‘घाटु नाच’को प्रस्तुति

चितवन / भरतपुरस्थित तीनखोले गुम्बा परिसरमा ६८६९ औं बुद्ध जयन्ती मनाइएको छ । बुद्ध जयन्तीको अवसर पारेर तीनखोले गुम्बा परिसरमा घाटु नाच देखाइएको छ । घाटु नाच गुरूङ जातिको मौलिक एवं पौराणिक लोकसंस्कृति हो ।

भरतपुर महानगरपालिकाका उपप्रमुख चित्रसेन अधिकारीले घाटु नृत्य हेरेपछि गुरूङ जाति संस्कृतिको धनी जाति हो भन्ने कुरालाई थप पुष्टि गरेको बताए । कहिलेकाहीँ आक्कलझुक्कल दर्शन गर्न पाउने यस्तै संस्कृतिले आदिवासी जनजाति समुदायप्रति ध्यान तान्ने गरेको उनको भनाइ थियो । ‘वैशाख पूर्णिमा यसै पनि सबैको साझा पर्व हो । त्यसमाथि चितवनका गुरूङ समुदायले गरेको कार्यक्रमले अझ यो पर्वको मह¤व बुझाएको छ’, उनले भने, ‘लोप हुन लागेका यस्ता संस्कृति संरक्षणमा समुदायसँगै सरकारी निकाय पनि जिम्मेवार बन्नुपर्छ ।’

- ADVERTISEMENT -

तीनखोलेमा बुद्ध जयन्ती मनाउँदै आएको बौद्ध धर्म सेवा समितिका अध्यक्ष विकास गुरूङले बुद्ध जयन्ती, तमू ल्होसारजस्ता सांस्कृतिक पर्वहरुले संस्कृति संरक्षणमा ठूलो भूमिका खेल्दै आएको बताए । ‘पुरानो पुस्तालाई त करिब–करिब हाम्रो संस्कृति यस्तै हुन्छ भन्ने विषयमा धेरथोर ज्ञान छ । तर, नयाँ पुस्तालाई त्यो ज्ञान कम छ’, अध्यक्ष गुरूङ भन्छन्, ‘त्यसकारण नयाँ पुस्तालाई पुरानो संस्कृति देखाउनकै लागि पनि हामीलाई हरेक वर्ष कार्यक्रम आयोजना गर्नुपर्ने दबाब छ ।’

मञ्चमा विभिन्न व्यक्तिहरुले बुद्ध जयन्ती, वैशाख पूर्णिमा र भगवान् गौतम बुद्धको उपदेश र व्यक्तित्वमाथि चर्चा गरेका थिए । बीच–बीचमा सालैजो, झ्याउरे, काडालगायतका अन्य सांस्कृतिक कार्यक्रमसमेत सञ्चालन गरेको थियो । दिउँसोको औपचारिक कार्यक्रम हुनुपूर्व बिहानैदेखि धर्मगुरूहरुबाट पूजापाठ गरिएको थियो । बिहान भने शान्ति पदयात्रा निकालिएको थियो ।