कोरोना सङक्रमित विश्वभर ३ करोड, ज्यान गुमाउने ९ लाख बढी

0
32

काठमाण्डौ / विश्वभरमा कोरोना भाइरस सङक्रमित हुनेको संख्या ३ करोड नाघेको छ । पछिल्लो २४ घण्टामा झण्डै ३ लाख नयाँ सङक्रमित थपिएका छन् ।
योसँगै विश्वभर कोरोना सङक्रमितको संख्या ३ करोड २३ हजार भन्दा धेरै पुगेको वल्डोमिटरले जनाएको छ । संक्रमितमध्ये विश्वभरबाट २ करोड १७ लाख जनाले कोरोनालाई जितेर घर फर्किएका छन् ।
भारतमा मात्रै ९७ हजारभन्दा बढी सङक्रमित थपिएका छन् भने ११ सय ३९ जनाको ज्यान गएको छ ।
यस्तै अमेरिकामा ३७ हजार ८ सय, ब्राजिलमा ३७ हजार ३ सय, स्पेनमा ११ हजार १ सय तथा अर्जेन्टिनामा ११ हजार ६ सय भन्दा धेरै जना नयाँ सङक्रमित थपिएका हुन् ।
यस्तै अमेरिकामा १ हजार ७९ जनाको ज्यान गएको छ। ब्राजिलमा ९ सय ६७, रसियामा १ सय ३२, कोलम्बियामा १ सय ९० तथा मेक्सिकोमा ६ सय २९ जनाको ज्यान गएको छ ।
अब विश्वभर कोरोनाको कारण ज्यान गुमाउनेको संख्या ९ लाख ४४ हजार ४ सय ९७ पुगेको छ । –एजेन्सी