काठमाडौँ । राष्ट्रिय स्वतन्त्र पार्टी (रास्वपा) की नवनिर्वाचित सांसद आशिका तामाङले आज (मंगलबार) सदनमा पहिलोपल्ट बोलेकी हुन् ।
मनमा डर त्रास नभए पनि स्वतः रूपमा बोली कामेको भन्दै उनले सदनमा बोल्दाको आफ्नो पहिलो अनुभव सामाजिक सञ्जाल मार्फत साझा गरेकी छन् ।
- ADVERTISEMENT -
फेसबुकमा एक स्ट्याटस लेख्दै उनले भनेकी छन् ‘ आज भन्दा 7 वर्ष पहिले पहिलो पल्ट जर्मनी बाट vacation बनाउन नेपाल आउँदा सडक मा गाडी जाम पर्दा कसैले चाउ चाउ को खोल फालेको देखे , मैले मात्र होइन जाम का वरिपरि सबैले देखेका थिए, तर पनि मैले बडो हिम्मत गरेर बहिनी तपाईँले बाटोमा चाउचाउको खोल किन फाल्नुभयो ? भनेर प्रश्न गरे तर त्यतिबेला मेरा ओठहरू कामिरहेका थिए जिब्रोहरू लरबराइरहेका थिए, अनुहार रातो पिरो भएका थिए किनभने आजसम्म मैले कसैलाई सार्वजनिक रूपमा , त्यस प्रकारको प्रश्न गरेको थिइन , त्यसैगरी आज मेरो सदनको पहिलो दिन थियो ! मनमा डर त्रास नभए पनि , स्वतः रूपमा बोली कामिरहेका थिए ।’
त्यसपछि उनले आगामी दिनहरूमा अझै सशक्त रूपमा जनताहरूको आवाज बुलन्द रूपमा सदनमा राख्ने सङ्कल्प गरेकी छन् ।
