मकवानपुरमा लागूऔषधसहित एक पक्राउ

हेटौंडा । मकवानपुर प्रहरीले १,२०० ट्याब्लेट नाइट्रोभेट र ४ बोतल ओनरेक्ससहित एकजना प्रकाउ गरेको छ । प्रहरीका अनुसार पक्राउ पर्नेमा पर्सा जिल्ला पेटर्वासुगौली गाउँपालिका वडा नं ३ सुनबर्सा बैरिया बस्ने वर्ष २४ को अनिल मुखिया रहेका छन् ।
हेटौंडा–१० स्थित राम मन्दिर चोकको बाईपासरोडमा प्रहरी चौकी भुटनदेवीबाट प्रहरी हवल्दार डिल्लीराम शिवाकोटीको कमाण्डमा खटिएको प्रहरी चेकिङ टोलीले बिरगंजबाट नारायणघाटतर्फ आइरहेको ना ५ ख ५८६८ नं को बस रोकी चेकजाँचको क्रममा मुखिया प्रकाउ परेका हुन् ।
मुखियाले आफ्नो झोलमा लुकाई लागू औषध नाइट्रोभेट १,२०० ट्याबलेट र लागू औषध इल्भ्च्भ्ह् १०० एमएलको ४ बोतल फेला परेकाले उनलाई उक्त लागु औषध सहित पक्राउ गरी आवश्यक अनुसन्धान भइरहेको जिल्ला प्रहरी कार्यालय मकवानपुरका प्रहरी प्रवक्ता डिएसपी इन्द्र बहादुर रानाले जानकारी दिएका छन् ।