वार्षिकोत्सवमा स्रस्टाहरु सम्मानित

टाँडी । कविडाँडा साहित्य समाजको १७ औं वार्षिकोत्सव सम्पन्न भएको छ । समाजले नेपाली भाषा र साहित्यको क्षेत्रमा योगदान पु¥याउने विभिन्न व्यक्तिहरूलाई सम्मान पनि गरेको छ ।
सम्मानित हुनेमा कविडाँडा साहित्य सम्मान तथा देव–खिना स्मृति पुरस्कार–२०७६ बाट कवि इन्द्र रेग्मी सम्मानपत्रसहित ११ हजार १ सय ६० नगद, कविडाँडा अविनाशी कृति पुरस्कार २०७५ बाट मैदारो उपन्यासका लागि आख्यानकार भूपिन सम्मानपत्र र १० हजार १ सय ६० नगद, कविडाँडा राष्ट्रिय उत्कृष्ट आख्यान पुरस्कार २०७५ बाट मरीचिका कथा संग्रहका लागि महेश सम्मानपत्र र २५ हजार १ सय ६० नगद प्राप्त गरेका थिए ।
त्यस्तै कविडाँडा साहित्य सम्मान २०७६ बाट वरिष्ठ स्रस्टाहरू भागीरथी श्रेष्ठ, उषा शेरचन र नारायण ढकाल सम्मानित भएका थिए ।
कार्यक्रममा कथाकार महेश पौड्यालले नेपाली साहित्यमा कथाको स्थान उच्च रहेकोे, कथा लेखन र पाठकको रोजाइले पनि कथालाई यो स्थान दिएको बताए । उनले नेपाली साहित्यका अब्बल कथाकार र तिनका कृतिको चर्चा गर्दै विश्व साहित्यमा पनि कथाको स्थान सबैभन्दा उच्च रहेको बताए ।
नेपाली साहित्यको संरक्षण र विकासका लागि मोफसलमा बसेर नियमितरूपमा काम गर्दै आएको कविडाँडाले यो वर्ष आख्यान विधालाई छानेर कार्यक्रम गरिएको समाजका अध्यक्ष एलबी क्षेत्रीले बताए ।