April 13, 2024

चितवन राप्तीका युवक कोरोनामुक्त, आज डिस्चार्ज

April 25, 2020

भरतपुर । चितवनको राप्ती नगरपालिका–८ का कोरोना संक्रमित २७ वर्यीय युवक निको भएका छन् । कोरोना परीक्षणको शुक्रबार दोस्रो पीसीआर परीक्षण रिपोर्ट पनि नेगेटिभ आएपछि उनलाई डिस्चार्ज गर्ने तयारी भइरहेको भरतपुर अस्पतालले जनाएको छ ।
अस्पतालको क्याबिनमा राखेर उपचार गराइरहेका उनको दोस्रो पीसीआर परीक्षण रिपोर्ट नेगेटिभ आएकाले शनिबार डिस्चार्ज गरिने अस्पतालका सूचना अधिकारी लिलाधर पौडेलले जानकारी दिए ।
‘मेडिकल टिम बसेर निर्णय गर्छ, सम्भवत डिस्चार्ज गर्छौं, अहिलेसम्म कोरोनाको लक्षण पनि छैन, युवक स्वस्थ छन्,’ सूचना अधिकारी पौडेलले भने । ती युवकको बिहीबार गरिएको पहिलो परीक्षण रिपोर्ट पनि नेगेटिभ आएको थियो ।
उनकी ६३ वर्षीया आमाको भने रिपोर्ट पोजेटिभ नै आएको छ । त्यसैले उनलाई अझै अस्पतालमा नै राखिने सूचना अधिकारी पौडेलले बताए ।

- ADVERTISEMENT -