डिस्चार्ज भए राप्तीका युवक, तर पनि अस्पतालै बस्ने

भरतपुर । भरतपुर अस्पतालले शनिबार कोरोना संक्रमणमाथि विजय प्राप्त गर्ने एकजनालाई डिस्चार्ज गरेको छ । उनी चितवनको राप्ती नगरपालिका–८ का २७ वर्यीय युवक हो । कोरोना परीक्षणको शुक्रबार दोस्रो पीसीआर परीक्षण रिपोर्ट नेगेटिभ आएपछि उनलाई आज शनिबार अस्पतालले डिस्चार्ज गरेको मेडिकल सुपरीटेन्डेन्ट श्रीराम तिवारीले बताए ।
डिस्चार्ज भएका उनी अझै ७ दिन हस्पिटलकै क्वारेन्टीनमा स्वइच्छाले बस्ने भएका छन्, त्यसो त डा भोजराज तिवारीका अनुसार ७ दिन अझै क्वारेन्टिनमा बस्न सल्लाह दिएका हुन् ।
कोरोना संक्रमित उनकी आमा परीक्षण पोजेटिभ आएका कारण स्वइच्छाले उनी अस्पतालमै बस्ने भएका हुन् । आमाको कुरुवा कोही नभएको कारण उनी हस्पिटलमा नै कुरुवाको रुपमा बस्ने इच्छा देखाएको हो ।