लायन्सको अध्यक्षमा शाक्य सर्वसम्मत

नारायणगढ । लायन्स क्लब अफ चितवन युथको अध्यक्षमा निलेनमान शाक्य चयन भएका छन् । क्लबको मंगलबार सम्पन्न १३औं अधिवेशनले शाक्यलाई सर्वसम्मत रुपमा अध्यक्षमा चयन गरेको हो ।
क्लबको प्रथम उपाध्यक्षमा अस्मिन घिमिरे, द्वितीय उपाध्यक्षमा कमलबहादुर पौडेल, तृतीय उपाध्यक्षमा बिक्रम सापकोटा चयन भएका छन् । यस्तै क्लबको सचिवमा शोभाकर अधिकारी र कोषाध्यक्षमा सुदर्शन पौडेल चयन भएका हुन् ।
अन्य पदाधिकारी र सदस्यहरु भनेपछि चयन गर्दै लगिने नवनिर्वाचित अध्यक्ष शाक्यले बताए । विश्वभर महामारीको रुपमा फैलिएको कोरोना भाइरसको कारण जारी लकडाउनलाई मध्यनजर गर्दै अनलाइनबाट नै अधिवेशन गरिएको उनले जानकारी दिए । शाक्य विभिन्न सामाजिक संस्थालगायत अन्य संस्थामा समेत आवद्ध छन् ।