May 20, 2024

कोरोनाको पहिलो परीक्षणमा २१ जना नेगेटिभ

April 8, 2020

भरतपुर । चितवन जिल्लास्थित भरतपुर कोभिड–१९ परीक्षण प्रयोगशालामा कोरोना भाइरस परीक्षण सुरु भएको छ । कोरोनाको पहिलो पटक गरिएको परीक्षणमा २१ जनाको नमुना नेगेटिभ देखिएको प्रयोगशाला संचालन उपसमितिका संयोजक डा कृष्णसागर शर्माले बताए । विभिन्न अस्पतालबाट संकलन भएका नमुनाको नतिजा सार्वजनिक गरिएको हो ।
डा. शर्माका अनुसार भरतपुर कोरोना अस्थाई अस्पतालबाट संकलन भएको १६ वटा, रत्ननगरको गुञ्जमान अस्पतालबाट पठाइएको एउटा र प्रयोगशालामा नै संकलन गरिएका चारवटा नमुनाको परीक्षण गरिएको हो । भरतपुर अस्पताल, निजी मेडिकल कलेज र अस्पतालहरुले नमुना कोरोना अस्पतालमा पठाउने गरेको डा. शर्माको भनाइ छ ।
कोरोनाका परीक्षणका लागि सबै नमुना बिहान १० बजेभित्र कोरोना अस्पतालमा संकलन भई ११ बजेसम्ममा प्रयोगशालामा पु¥याएर परीक्षण थालिने उनले बताए । पोजेटिभ देखिएमा सम्बन्धित बिरामी रहेको अस्पतालका चिकित्सकलाई जानकारी गराइने छ भने अन्यको नतिजा भोलिपल्ट १० बजे सार्वजनिक गर्ने गरी तालिका मिलाइएको उनले भने ।
कोरोनाका नतिजा आएका बिरामीहरु अस्पतालको आईसोलेसन, क्वारेन्टाईन, र होम क्वारेन्टाइनमा रहेको उनले जानकारी दिए ।

- ADVERTISEMENT -
- ADVERTISEMENT -
- ADVERTISEMENT -