आइतबारबाट भरिएको सिलिन्डर

काठमाडौं । नेपाल आयल निगमले आइतबारदेखि फूल सिलिण्डर बिक्री वितरण गर्ने भएको छ । कोरोना तथा लकडाउनका कारण खाना पकाउने ग्यास अभाव भएपछि निगमले ग्यास कटौती गरी आधा मात्र बजारमा बिक्री वितरणमा ल्याएको थियो ।
निगम सञ्चालक समितिको बुधबार बसेको बैठकले पूरै भरिएको सिलिण्डर बिक्री वितरण गर्ने निर्णय गरेको हो । निगमले सबै ग्यास उद्योगीहरुलाई बिहीबारदेखि नै सिलिण्डरमा ग्यास भरि गर्न निर्देशन दिएको छ ।
ग्यासको माग कम भएपछि बजारमा आइतबारबाट पूरै भरिएको ग्यास आउने भएको हो ।