May 18, 2024

कोरोना संक्रमित विश्वभर साढे २३ लाख, नेपालमा ३१ पुग्यो

April 19, 2020

भरतपुर । विश्वव्यापी रुपमा फैलिरहेको कोरोना भाइरस आइतबारसम्म विश्वभर २३ लाख ३१ हजार ९ सय ५६ जना कोरोना संक्रमित भेटिएको विश्व स्वास्थ्य संगठन (डब्लुएचओ) ले जनाएको छ । संक्रमित मध्ये ५ लाख ९७ हजार २ सय १७ जना निको भई घर फर्केका छन् । कुल १ लाख ६० हजार ७ सय ६७ जना कोरोनाका कारण ज्यान गुमाएका छन् ।
यस्तै कोरोना भाइरसबाट थप एकजनामा संक्रमण देखिएको स्वास्थ्य मन्त्रालय जनाएको छ । यो सँगै नेपालमा कोरोना संक्रमित हुने ३१ जना पुगेका छन् । स्वास्थ्य मन्त्रालयका अनुसार शनिबार ६५ वर्षीय पुरुषमा भाइरसको संक्रमण देखिएको हो ।
नेपालमा कोरोना संक्रमितहरु मध्ये तीनजनालाई निको भएको छ भने दुई जना उपचारपछि डिस्चार्ज भइसकेका छन् ।
उपचारपछि निको भएकी एक युवती टेकु अस्पतालबाट डिस्चार्ज भएकी छन् । काठमार्डौ निवासी ती युवतीको लगातार चार पटकसम्म गरिएको परीक्षणमा नेगेटिभ आएपछि उनलाई अस्पतालले डिस्चार्ज गरेको हो । उनलाई अस्पतालले फूलमालासहित विदाई गरेको छ ।
उनी कोरोना भाइरस (कोभिड १९) सङ्क्रमित भएर उपचारपछि निको भएर घर फर्किने दोस्रो व्यक्ति बनेकी छन् । यसअघि एक ६५ वर्षीया महिला निको भई घर फर्केकी हुन् ।
कतार एयरको विमानमा फ्रान्सबाट दोहाहुँदै काठमाडौं आएकी उनकी भियतनामी साथीलाई संक्रमण भएपछि उनको स्वास्थ्य परीक्षण गर्दा उनमा पनि संक्रमण पाइएपछि अस्पताल भर्ना गरिएको थियो ।
चैत्र ९ गते काठमाण्डौको शहीद शुक्रराज ट्रपिकल तथा सरूवा रोग अस्पतालमा भर्ना भएकी उनमा १० गते कोरोना पुष्टि भएको थियो । २७ दिनसम्म उपचार गरेर स्वस्थ भएपछि उनलाई डिस्चार्ज गरिएको अस्पतालका प्रवक्ता डाक्टर अनुप बाँस्तोलाले जानकारी दिएका हो ।

- ADVERTISEMENT -
- ADVERTISEMENT -
- ADVERTISEMENT -