कोरोना संक्रमित विश्वभर ५१ लाख नजिक, निको २० लाख २६ हजार बढी

भरतपुर । कोरोना भाइरस कोभिड–१९ का कारण विश्वरभर कोरोना संक्रमित ५० लाख ९१ हजार ५५ जना रहेको विश्व स्वास्थ्य संगठन (डब्लुएचओ)ले जनाएको छ । कोरोनाका कारण मृत्यु हुनेमा ३ लाख २९ हजार ७ र ६२ जना रहेका छन् । कोरोनाबाट निको भई घर फर्कनेमा २० लाख २६ हजार १ सय ५० जना रहेको डब्लुएचओले जनाएको छ ।
त्यसैगरी नेपालमा कोरोना संक्रमितको संख्या ४ सय ४४ पुगेको छ । स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीका अनुसार बिहीबार थप १७ नयाँ संक्रमणको पुष्टी भएको हो । यसअघि बुधबारसम्म ४२७ जना संक्रमितहरु देखिएका थिए । थप नयाँ बिहीबारका १७ संक्रमितहरु झापा, धनकुटा र सुनसरीका रहेका हुन् ।
त्यस्तै निको भई फर्कनेमा ४५ जना रहेको स्वास्थ्य मन्त्रालयले जनाएको छ ।