चितवन / उज्यालो नेपाल पार्टीमा शुक्रबार २५ जना प्रवेश गरेका छन् ।
भरतपुर–७ मा आयोजित चितवन जिल्ला स्तरीय अगुवा भेला परामर्श तथा भेटघाटमा उनीहरुले पार्टी प्रवेश गरेको कार्यक्रम संयोजक कृष्ण लामाले जानकारी दिए ।
- ADVERTISEMENT -
उज्यालो नेपाल पार्टीका अध्यक्ष तथा कार्यक्रमका प्रमुख अतिथि कुलमान घिसिङले खादा र ब्याज वितरण गरेर उनीहरुलाई प्रवेश गराएका हुन् ।
कार्यक्रममा बोल्दै प्रमुख अतिथि घिसिङले २०८४ स्थानीय चुनावका लागि सबैलाई एकजुट हुन आग्रह गरे । संघीय चुनावमा समय अभावले उपविजेता भएपनि जनताको विश्वास जित्न उज्यालो नेपाल पार्टी सफल भएको उनको भनाइ थियो ।
कार्यक्रममा डा चन्दन न्यौपाने, प्रविण बल, रुपेश भण्डारी, सादुराम ढकाललगायतले मन्तव्य दिएका थिए । कार्यक्रमको सभापतित्व समीर केसीले गरेका हुन् भने कृष्ण लामाले स्वागत मन्तव्य दिए ।
