एकैदिन ११४ थप, संक्रमित पुग्यो ८८६, निको १८३ जना

काठमाडौँ । कोरोना संक्रमित बुधबार एकैदिन नेपालमा ११४ जनामा देखिएका छन् । योसहित संक्रमितको संख्या ८८६ पुगेका छन् । बुधबार नियमित पत्रकार सम्मेलनमा ८८६ जना पुष्टि भएको स्वास्थ्य तथा जनसंख्या मन्त्रालयले जनाएको छ ।
संक्रमित हुनेहरुमा झापामा १७ जना कोरोना संक्रमित थपिएका छन् । रौतहटमा ३५, बाग्लुङमा ६ र हेटौंडामा एकजना र रुकुममा पहिलो ३ जना संक्रमित थपिएका हुन् । रुकुमसहित ४७ जिल्लामा कोरोना संक्रमण फैलिएको छ ।
स्वास्थ्य मन्त्रालयका अनुसार हालसम्म ५८ हजार २ सय ७७ जना पिसिआर परीक्षण गरिएको, १ लाख २ सय ८७ जनाको आरडिटी परीक्षण गरिएको, क्वारेन्टाइनमा ७० हजार ३ सय ५ जना, आइसोलेसनमा ६ सय ९९ जना रहेका छन् ।
कोरोनाबाट हालसम्म १८३ जना निको भई घर फर्केका छन् भने ४ जनाको मृत्यु भएको छ ।