१२८ किलो गाँजासहित दुई जना पक्राउ

हेटौँडा । लागू औषध ओसारपसार कारवाहीमा दुई जना पक्राउ परेको छ । हेटौँडाबाट वीरगन्जतर्फ जाँदै गरेको ना ६ ख ६९७४ नम्बरको तेल ट्याङकरलाई चेकजाँच गर्ने क्रममा १२८ किलो गाँजा सहित २ जनालाई पक्राउ परेको जिल्ला प्रहरी कार्यालय मकवानपुरका प्रहरी प्रवक्ता इन्द्रबहादुर रानाले बताए ।
प्रवक्ता रानाका अनुसार गाँजासहित पक्राउ पर्नेमा ट्याङकर चालक जितपुर सिमरा–२३ बस्ने २७ बर्षीय एमामुल हक देवान र ट्याङकरमा सवार सोही स्थानका २४ बर्षीय मोहरवान अंसारी रहेको छ । पक्राउ परेका उनीहरुलाई आवश्यक अनुसन्धान भइरहेको प्रहरीले जनाएको छ ।
लकडाउन अवधिमा मकवानपुर प्रहरीले जिल्लाको विभिन्न स्थानबाट लागुऔषध बोकेको ३ वटा तेल ट्याङकरलाई नियन्त्रणमा लिइएको मकवानपुर प्रहरी प्रवक्ता रानाले जानकारी दिए ।