May 21, 2024

भर्चुअलमार्फत मनायो २०७ औं भानु जयन्ती

July 14, 2020

चितवन । चुंदी रम्धा चितवन समाजले २०७ औं भानुजयन्ती मनाएको छ । समाजले २०७औं भानुजयन्ती जुम मार्फत सोमबार मनाएको हो ।
देशका विषम परिस्थितिका कारण यसपाली २०७औं भानुजयन्ती जुम (भर्चुअल) मार्फत मनाएको समाजका अध्यक्ष डा रामलाल श्रेष्ठले जानकारी दिए ।
कार्यक्रमका प्रमुख अतिथि नारायण न्यौपानेले रामायण वाचन गरेका थिए । प्रमुख अतिथि न्यौपानेले संस्थालाई क्षेत्रीय र राष्ट्रियस्तरमा समेत प्रचारप्रसार गरी विभिन्न कार्यक्रमहरु अगाडि बताए । रामायण वाचन ६ वर्षकी बालिका अर्चना भट्टराईद्वारा सुरु गरिएको थियो भने शरदचन्द्र पण्डित, देवी आचार्य, गोमादेवी आचर्या र रमा आचार्य पनि सहभागी भएका थिए ।
संस्थाका आजीवन सदस्य उपेन्द्र आचार्यले भानुजयन्ती यसअघि पनि निरन्तर मनाउँदै आएको र अहिले विश्वनै कोरोना महामारी तथा राज्यले गरेको लकडाउनका कारण भर्चुअल विधि अपनाउन बाध्य भएको न्यूजप्रवाह डटकमलाई बताए ।
उक्त कार्यक्रममा रेशमलाल श्रेष्ठ, कपिलदेव भट्टराई, नरहरि पंडित र तुलसी श्रेष्ठले रचना वाचन गरेका थिए । कार्यक्रमका अध्यक्षता गर्नु भएका श्रेष्ठले सम्पूर्ण सहभागीहरुलाई धन्यवाद व्यक्त दिएका थिए भने शिवजि रानाभाटले कार्यक्रम संचालन गर्नु भएको थियो।

- ADVERTISEMENT -
- ADVERTISEMENT -
- ADVERTISEMENT -