अविरल वर्षाका कारण तरकारी बजार प्रभावित

मकवानपुर / मनसुन सक्रिय भएसँगै बाढी र पहिरोका कारणले हेटौंडा बजारको तरकारी बजार प्रभावित बनेको छ । वर्षाका कारण किसानले उत्पादन गरेको तरकारी बजारसम्म ल्याउन असहज भएको छ ।
भारी वर्षासँगै बाढी र पहिरोका कारण ग्रामीण सडकसमेत क्षति पुगेको छ । यस्तै उच्च तापक्रमका कारण तरकारी छिट्टै बिग्रने हुनाले समस्या उत्पन्न भएको स्थानीय व्यवसायीहरुको भनाइ छ ।
एक स्थानीय व्यवसायी शिव पौडेलका अनुसार भारी वर्षाले तरकारी बेचबिखन समस्या भएको छ भने उत्पादित तरकारी किसानले बजारसम्म ल्याउन नसक्दा उनीहरु पनि मारमा परेको बताउँछन् । अहिले यो वर्षायामका कारण तरकारी बजार नराम्ररी प्रभावित भएको व्यवसायी पौडेल बताउँछन् ।
हेटौंडास्थित थोक तरकारी बजारमा अहिले मकवानपुर जिल्लाकै थाहा नगरपालिका, मनहरी गाउँपालिका, भीमफेदी गाउँपालिका, मकवानपुरगढी गाउँपालिकाबाट तरकारी आउने गरेको छ ।
मनहरी गाउँपालिकाको हाँडीखोलामा उत्पादन भएको करेला, भिन्डी, बोडी, घिरौंला लगायतका तरकारी किसानले हेटौंडा बजारमा बेचबिखन गर्ने गरेका छन् ।