चितवनमा यस वर्षकै उच्च गर्मी

चितवन / चितवनमा यसबर्षकै सबैभन्दा धेरै गर्मी भएको छ । भरतपुर नागरिक उड्यान कार्यालयले दिएको जानकारी अनुसार आजको तापक्रम यसबर्षकै सबैभन्दा धेरै ३५ डिग्री सेल्सियस पुगेको हो ।
चितवनमा सोमबारदेखि गर्मी बढ्दै गएको हो । सोमबार चितवनको तापक्रम ३४ डिग्री सेल्सियस रेहेको थियो । यसबर्ष धेरै गर्मी नभएको महशुस गरिएको थियो ।
चितवनमा अधिकतम ४० डिग्री सेल्सियस सम्म तापक्रम पुग्ने गरेको छ । गर्मी बढ्न थालेपछि चितवनको जनजीवन प्रभावित बन्न थालेको छ । तापक्रम बढ्दै गएपछि दिउँसोको समयमा मानिसहरुलाई हिडडुल गर्नसमेत समस्या हुन थालेको छ । मध्य तराईमा पर्ने चितवन गर्मी हुने जिल्लामध्येमा पर्छ ।