चितवन / राष्ट्रिय स्वतन्त्र पार्टी भरतपुर महानगरपालिकाको सभापतिमा सीता ज्ञवाली विजयी भएकी छन् । ज्ञवाली शनिबार सम्पन्न रास्वपा महानगरको प्रथम अधिवेशनबाट पुनः सभापतिमा चयन भएकी हुन् ।
सभापतिका प्रत्यासी सुभाष गैरेलाई ७९ मत अन्तरले पछि पार्दै ज्ञवाली विजयी भएकी हुन् । ज्ञवालीले ३३५ र गैरेले २५६ मत पाएका छन् ।
- ADVERTISEMENT -
सीता संस्थापनकालदेखिकै महानगर सभापति हुन् ।
यसैगरी उपसभापतिमा दिवाकर श्रेष्ठ ३६६ मतसहित विजयी भए । अर्का प्रत्यासी इन्दिरा बरालले २०९ मत पाइन् ।
सहसचिवमा शिवराज सुवेदी ४२६ मतसहित विजयी हुँदा बोधननाथ सुवेदीले १३० मत पाए ।
सदस्यहरुमा सुनिता तिवारी, इन्दिरा अर्याल, गीता रायमाझी, उषा शर्मा, शान्तिमाया थापा क्षेत्री, एन्जिला अधिकारी, सिता कुमारी पौडेल, सन्त कुमारी चापागाईं र संगिता बराली चयन भएका छन् ।
यसैगरी अनिल जिसी, नन्दप्रसाद भट्ट, दयाराम सुवेदी, नरसिंह भण्डारी, यामलाल उपाध्याय, सुमन सुवेदी, भरत घिमिरे पनि सदस्य निर्वाचित भएका छन् ।
महाधिवेशन प्रतिनिधिहरुमा ध्रुव केसी, निर्देश श्रेष्ठ र डिल्लीराज भण्डारी चुनिएका छन् ।
