चितवनका ३८ सहित ३९ जनामा कोरोना पुष्टि

चितवन / भरतपुर अस्पताल कोभिड–१९ परीक्षण प्रयोगशालामा ३९ जनामा कोरोना पुष्टि भएको छ । चितवनका ३८ सहित ३९ जनामा कोरोना संक्रमण पुष्टि भएको प्रयोगशालाका प्रमुख डा नितु अधिकारीले जानकारी दिनुभयो ।
डा अधिकारीका अनुसार भरतपुर अस्पताल कोभिड–१९ परीक्षण प्रयोगशालामा २ सय १८ जनाको परीक्षणमा ३९ संक्रमित भेटिएका छन् अन्य सबै नेगेटिभ पुष्टि भएका छन् ।
भरतपुर महानगरपालिका संक्रमित मध्ये २,३,६,९,१०,११,१४,१५,१९,२९ का १६ देखि ५९ वर्षका ८ पुरुष र २३ देखि ८० वर्षका ११ महिला रहेका छन् ।
त्यसैगरी रत्ननगरका ८ जना, खैरहनीका ४ जना, कालिकाका ५ जना र माडीका २ जनामा कोरोना संक्रमण देखिएका छन् । संक्रमित मध्ये १ जना सर्लाहीका रहेका छन् भने अन्य सबै चितवनका हुन् ।

- ADVERTISEMENT -