संक्रमित थप १०४१, निको २७ हजार बढी

काठमाडौँ / पछिल्लो २४ घण्टामा थप १ हजार ४१ जनामा कोरोना भाइरस (कोभिड १९) संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस व्रिफिङमा शनिबार थप १ हजार ४१ जना संक्रमित पुष्टि भएको प्रवक्ता डा. जागेश्वर गौतमले जानकारी दिनुभयो ।
प्रवक्ता डा. गौतमका अनुसार मुलुकका विभिन्न प्रयोगशालामा गरिएको परीक्षणमा ३४९ जना महिला र जना ६९२ पुरुष गरी १ हजार ४१ जनामा संक्रमण देखिएको हो । योसँगै नेपालमा कुल संक्रमितको संख्या ४५ हजार २७७ पुगेको छ ।
संक्रमितमध्ये हालसम्म कोरोना जितेर घर फर्किनेको संख्या २७ हजार १२७ पुगेको छ भने थप १ हजार ५६६ जना उपचारपछि डिस्चार्ज भएका छन् । यससँगै ६० प्रतिशत संक्रमित निको भएका हुन् ।
हाल नेपालमा १८ हजार ८७० संक्रिय संक्रमित छन् । संस्थागत आइशोलेशनमा ९ हजार ८६६ जना रहेका छन् । होम आइशोलेशनमा ८ हजार ४ रहेका छन् । अहिले क्वारेन्टाइनमा ६ हजार ५६१ रहेका छन् । आज १२ हजार ४७३ जनाको पिसिआर परीक्षण गरिएको छ ।