छात्रावासलाई खाद्यान्न सहयोग

चितवन / यात्रा ग्रुप भरतपुरले आमाको माया छात्रावासलाई खाद्यान्न सहयोग गरेको छ । भरतपुर–१२ स्थित छात्रावासलाई खाद्य सामग्री वितरण गरिएको गु्रपका अध्यक्ष कृष्ण कार्कीले जानकारी दिनुभयो ।
छात्रावासलाई १५ हजार बराबरको २ थान ग्याँस सिलिन्डर, चाउचाउ, बिस्कुट, अण्डा तथा सरसफाईका सामाग्रीहरुको सहयोग गरिएको अध्यक्ष कार्कीले बताउनुभयो । खाद्य सामग्री अध्यक्ष कार्कीद्वारा छात्रावासकी संरक्षक सावित्रा ढकाललाई हस्तान्तरण गर्नु भएको थियो ।
ग्रुपका संरक्षक तथा भरतपुर अस्पतालका अध्यक्ष डा. भोजराज अधिकारीले कोरोना महामारीले निम्त्याएको संकटको समयमा गरिएको सहयोग सह्राहनीय भएको बताउनुभयो । देशका सम्पूर्ण गतिविधि ठप्प रहँदा समस्यामा परेका यस्ता संस्थाहरुलाई सबैले सहयोग गर्न आग्रह गर्नुभयो ।
अध्यक्ष कार्कीले कोरोनाले निम्त्याएको समस्यालाई मध्यनजर गर्दै छात्रावासमा आश्रित बालिकाहरुलाई खाद्य अभाव नहोस् भन्ने उद्देश्यका साथ सहयोग गरिएको बताउनुभयो ।
उक्त छात्रावासमा २० जना बालिकाहरु आश्रित रहेका छन् ।