चितवनमा थप १४३ कोरोना संक्रमित, रनपाका मात्रै ७५ जना

चितवन / चितवनमा एकैदिन १४३ जनामा कोरोना भाइरस (कोभिड–१९) संक्रमण पुष्टि भएको छ । चितवन मेडिकल कलेज कोभिड–१९ परीक्षण प्रयोगशाला र भरतपुर कोभिड–१९ परीक्षण प्रयोगशालामा एकैदिन १४३ जनामा कोरोना भाइरस (कोभिड–१९) संक्रमण पुष्टि भएको हो ।
हालसम्मकै सबैभन्दा बढी १४३ जना कोरोना संक्रमित पुष्टि भएको यो पहिलो हो ।
चितवन मेडिकल कलेज कोभिड–१९ परीक्षण प्रयोगशालामा गरिएको परीक्षणमा १४० र भरतपुर कोभिड–१९ परीक्षण प्रयोगशालामा गरिएको परीक्षणमा ३ जना गरी १४३ जनामा कोरोना संक्रमण पुष्टि भएको हो । संक्रमण पुष्टि हुनेमा चितवनका १२९ जना चितवन बाहिरका १४ जना रहेका छन् ।
संक्रमितहरु चितवनका सबैभन्दा धेरै रत्ननगर नगरपालिकाका ७५ जना रहेका छन् । जसमध्ये वडा नं. १४ का मात्रै ४५ जना रहेका छन् । भरतपुर महानगरपालिकाका ४५ जना, खैरहनी नगरपालिकाका ४ जना, कालिका र राप्ती नगरपालिकाका २÷२ जना र माडी नगरपालिकाका एक जना रहेका छन् ।
यसैगरी नवलपरासी पूर्वका ९ जना, तनहुँ, लमजुङ, स्याङजा, बारा र मकवानपुरका एक÷एक जना रहेका छन् ।