काभ्रेमा थपिए १५ जना नयाँ संक्रमित

धुलिखेल / काभ्रेमा १५ जनामा कोरोना संक्रमण पुष्टि भएको छ । स्वास्थ्य कार्यालय, काभ्रेका प्रमुख डा नरेन्द्रकुमार झाका अनुसार मंगलबार पुष्टि भएको संक्रमितहरुमा पनौती नगरपालिकाका १ पुरुष र १ महिला, बनेपा नगरपालिकाका ३ महिला र २ पुरुष र पाँचखाल नगरपालिकाका ३ पुरुष र ५ महिला रहेका छन् ।
यससँगै काभ्रेमा संक्रमित संख्या ६ सय ३० पुगेको छ । जसमा महिला २ सय २४ जना र पुरुष ४ सय ६ जना रहेका छन् । निको भैसकेका संख्या जम्मा ४ सय १९ रहेका छन् । जसमा महिला १ सय ६३ जना र पुरुष २ सय ५६ जना रहेका छन् ।
त्यसैगरी काभ्रेमा सक्रिय संक्रमित संख्या २ सय ५ जना रहेका छन् । जसमा महिला ५५ जना र पुरुष १५० जना रहेका छन् । सक्रिय संक्रमितहरु मध्य १ सय २८ जना अस्पतालको आइसोलेशनमा र ७७ जना होम आइसोलेशनमा रहेका छन् ।
त्यसैगरी हालसम्म काभ्रेभन्दा बाहिर अस्पताल आइसोलेशनमा १० पुरुष र २ महिला र होम आइसोलेशनमा ३ महिला गरी १५ जना रहेका छन् ।
काभ्रे जिल्लामा कोरोना संक्रमणबाट ५ पुरुष र ५ महिला गरी १० जनाको मृत्यु भएको छ भने जसमध्ये ३ पुरुष र १ महिला अन्य जिल्लाका रहेका छन् । निको भई डिस्चार्ज भएको संख्या १३ रहेका छन् ।