अग्रगामी रुपान्तर, आजको टड्कारो आवश्यकता : मन्त्री लामा

ललितपुर / बागमती प्रदेशका भूमि व्यवस्था, कृषि तथा सहकारी मन्त्री दावा दोर्जे लामाले पहिलो पटक स्थानीय ट्राउट फार्म अवलोकन गर्नुभएको छ । उहाँले युवाहरुद्वारा सञ्चालनमा ल्याइएको ललितपुरको कोन्ज्योसोम गाउँपालिका ५ भारदेरस्थित फुलचोकी जागरण रेन्बो ट्राउट फार्म अवलोकन गर्नुभएको हो ।
मन्त्री लामाले फार्मको स्थलगत अवलोकन गर्दै युवा जनशक्ति कृषि क्षेत्रमा लाग्ने उपयुक्त समय आएको बताउनुभयो । कृषिको व्यवसायीकरण, आधुनिकीकरण तथा औधोगिकीकरण गर्दै कुषिजन्य बस्तुमा आत्मनिर्भर बनाउँदै समाजको अग्रगामी रुपान्तरणको दिशामा अघि बढ्नु आजको टड्कारो आवश्यकता रहेको उहाँले भन्नुभयो ।
युवाहरुद्धारा सञ्चालित ट्राउट फार्म अवलोकन नै पहिलो ट्राउट फार्म अवलोकन रहेको जनाउँदै यसबाट बहुत खुशी लागेको उहाँले बताउनुभयो ।
त्यस्तै सांसदलाल कुमारी पुन (शुशिला) ले संधै कोन्ज्योसोम गाउँपालिकामा के गर्न सकिन्छ भनी उल्लेख गरेको गरेको कुरा स्मरण गर्दै आफ्नो आत्मामा नै कोन्ज्योसम गाउँपालिका झुण्डिएको उहाँले बताउनुभयो ।
हेम मोक्तान र कोन्ज्योसोम गाउँपालिका वडा नं. ५ का वडा अध्यक्ष सुविन्द्र तामाङले स्थानीयको जग्गा भाडामा लिएर पाँच वर्ष देखि फुलचोकी जागरण रेन्बो ट्राउट फार्म शुरु गर्नुभएको हो । आवश्यक ट्राउट माछाको भुरा रसुवा र नुवाकोटबाट किनेर ल्याउनु परेको स्थिति टार्न यसको विकल्पमा यस वर्षदेखि आफ्नै ह्याचारीबाट आवश्यक भुरा उत्पादन गर्दै व्यवस्थित तरिकाले ट्राउट माछा उत्पादन गर्ने सञ्चालक हेम मोक्तानले बताउनुभयो ।