एकैदिन नेपालमा थपिए ४३६४ जना संक्रमित

काठमाडौं / पछिल्लो २४ घण्टामा नेपालमा थप ४ हजार ३६४ जनामा कोरोना भाइरस (कोभिड–१९) को संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतम बिहीबार थप ४ हजार ३६४ जनामा कोरोना भाइरस (कोभिड–१९) को संक्रमण पुष्टि भएको जानकारी दिए ।
प्रवक्ता डा गौतमका अनुसार थपिएका संक्रमितमध्ये २५४० काठमाडौं उपत्यकाका रहेका छन् ।
यससँगै कुल संक्रमितको संख्या ९८ हजार ६१७ पुगेको छ । उनीहरुमध्ये ५९० जनाको मृत्यु भएको छ भने ७१ हजार ३४३ जना संक्रमणमुक्त भएका छन् ।